Ysgol Gwirfoddolwyr a Gofalwyr
Bydd hyn yn canolbwyntio ar ddatblygu a darparu addysg a hyfforddiant i wirfoddolwyr a gofalwyr di-dâl, fel craidd a rhan bwysig y gweithlu’n gyffredinol. Bydd portffolio o ddatblygu sgiliau’n cael eu cynnig.
Rhaglen Gydbwyso ar gyfer gwirfoddolwyr a gofalwyr
Mae Academi Iechyd a Gofal Powys wedi ymuno â Phoenix Mindful Living i gynnig cwrs byw’n seiliedig ar ymwybyddiaeth ofalgar i wirfoddolwyr a gofalwyr di-dâl i geisio gwella’u lles emosiynol.
​
Mae'r Rhaglen Cydbwysedd yn cynnwys sesiynau ar:
​
-
Cadw’n Iach
-
Hunanofal
-
Bywyd Gofalgar
-
Rhannu profiadau a chymorth
​
I gael gwybod mwy ac i archebu eich lle, cysylltwch â Nikki Thomas-Roberts ar: phoenixmindfulliving@gmail.com
​
Os bydd angen cymorth seibiant ar ofalwyr di-dâl iddynt allu fod yn bresennol, mae’n bosibl trefnu hyn.
Gwirfoddolwyr cefnogi ysbytai
Hoffech chi wirfoddoli mewn ysbyty? Ydych chi'n chwaraewr tîm, gyda sgiliau cyfathrebu da a thosturi? Gallech fod yn wirfoddolwr cymorth ysbyty!
Mae PAVO yn recriwtio gwirfoddolwyr ar ran Bwrdd Iechyd Addysgu Powys i'w lleoli mewn 4 ysbyty ledled Powys (Bronllys, Y Trallwng, Llandrindod a Llanidloes).
Nod cyffredinol y rôl yw gweithredu fel ysgogydd, cyfeilliwr neu gefnogaeth i'r cleifion ac felly staff.
Ni fydd y rôl yn cynnwys eiriolaeth, cwnsela, trafodaethau gyda pherthnasau, gweithdrefnau clinigol neu roi meddyginiaeth neu ddyletswyddau gofal personol.
​
I gael mwy o wybodaeth ac i gofrestru, ewch i'r wefan Gwirfoddoli Cymru
Amser i Ni: Cyfnewid amser – cyfnewid sgiliau: Galluogi cymunedau
Nod Amser i Ni yw meithrin ‘cymwynasgarwch’ ar sail brofedig ‘Bancio Amser’. Mae cysyniad Bancio Amser yn bodoli ers canrifoedd, ac mae’n dyddio nôl i gyfnod ac ethos Robert Owen, y dyngarwr a anwyd yn y Drenewydd, oedd yn gyfrifol am sefydlu Cydweithfeydd.
​
Wrth galon Bancio Amser mae’r egwyddor o gyfnewid amser cyfartal – trwy gyfrannu awr o waith, gallwch dderbyn awr o gymorth. Chwedl hwythau: Gallwch fenthyg a rhoi benthyg!
​
Yn debyg i ethos cydweithfeydd mae gan bob aelod ei bleidlais - o safbwynt Bancio Amser, mae pob cyfnod yn gyfwerth, beth bynnag fo natur y dasg dan sylw. Gellir cyfnewid amser ar draws y gymuned – gallwch ddewis defnyddio’ch awr trwy fanteisio ar amrediad o ‘gynigion amser’, yn hytrach na chyfnewid gyda’r unigolyn rydych chi wedi ei helpu. Mae gan bawb rywbeth i’w roi - a gyda’n gilydd gallwn gyflawni bron unrhyw beth...
​
I gael mwy o wybodaeth ac i gofrestru, ewch i'r wefan PAVO
Cysylltiadau
Gwneud i bob cyswllt gfrif
Mae Gwneud i Bob Cyswllt Gyfrif (GBCG) yn agwedd ar newid ymddygiad sy'n defnyddio'r miliynau o ryngweithiadau o ddydd i ddydd rhwng sefydliadau ac unigolion â phobl eraill i'w helpu i wneud newidiadau cadarnhaol i'w hiechyd a lles corfforol a meddyliol.
​
Mae GBCG yn galluogi'r gwaith oportiwnistaidd o gyflwyno gwybodaeth gyson a chryno am ffyrdd iachach o fyw ac yn galluogi unigolion i gael sgwrs am eu hiechyd mewn sefydliadau a phoblogaethau yn unol â maint y broblem.
​
Am wybodaeth bellach ar yr academi a’i gwaith, cysylltwch â ni. Ebost: powys.healthandcareacademy@wales.nhs.uk