Academi Iechyd a Gofal Powys

Mae’r Academi’n rhan o fenter Cymru gyfan i wella cyfleoedd i ddatblygu, derbyn addysg a hyfforddiant ar draws y sector iechyd a gofal cymdeithasol. Mae ein gwaith ni’n canolbwyntio’n benodol ar y gweithlu ym Mhowys.

Yr uchelgais yw y bydd yn helpu’r sector i fod ymysg y prif ddewisiadau i’r rhai sy’n chwilio am waith neu’n dychwelyd i’r farchnad swyddi yn y sir, ac iddo fod yn enghraifft o ddarparwr addysg broffesiynol a chlinigol p’un ai’n wyneb yn wyneb neu’n rhithiol.

Bydd yr Academi hefyd yn helpu i ddatblygu arweinwyr a’r gweithlu, gan gynnwys gwirfoddolwyr a gofalwyr di-dâl, sy’n cynnig dulliau arloesol o ofal i’n dinasyddion mewn ffordd amserol ac effeithiol.

Bydd hyn yn adeiladu ar enw da astudiaeth gymhwysol ar draws meysydd arbenigol iechyd a gofal cymdeithasol, gan roi cyfle i ddysgwyr fagu sgiliau ac arbenigedd proffesiynol a chlinigol mewn amgylcheddau efelychu modern tra’n astudio ochr yn ochr â thimoedd a swyddogion proffesiynol aml-ddisgyblaethol eraill, gan felly gwneud cefnogaeth gan gymheiriaid a chydweithio’n rhan annatod o’r broses.

Mwy

Y nod yw rhoi’r sgiliau a’r hyder i weithlu iechyd a gofal cymdeithasol y sir i dynnu sylw at unrhyw beth sydd angen gwella o fewn eu meysydd, ac i wneud y gwelliannau hynny, gan fesur a dangos yr effaith a gânt ar brofiadau cleifion.

Mwy

Bydd hyn yn helpu i ddatblygu arweinwyr ar draws y sector iechyd a gofal cymdeithasol ym Mhowys trwy fuddsoddi mewn arweinyddiaeth systemau ac ar y cyd trwy Academi Dysgu Dwys Arwain Trawsnewid Digidol Cymru.

Mwy

Bydd hyn yn canolbwyntio ar ddatblygu a darparu addysg a hyfforddiant i wirfoddolwyr a gofalwyr di-dâl, fel craidd a rhan bwysig y gweithlu’n gyffredinol. Bydd portffolio o ddatblygu sgiliau’n cael eu cynnig.

Mwy

Safleoedd Academi

Bydd gofodau ffisegol yr Academi yn seiliedig ar fodel 'prif ganolfan a lloerennau'.

Bydd yna brif safleoedd, neu hybiau, yn Ysbyty Bronllys, ac ar Gampws Lles arfaethedig Gogledd Powys, yng nghanol y Drenewydd. A safleoedd lloeren, sy’n gysylltiedig â’r hybiau, nhw mewn lleoliadau eraill ar draws Powys, gan ddibynnu ar ble mae’r angen.

Mwy

Am wybodaeth bellach ar yr academi a’i gwaith, cysylltwchâ ni. E-bost: powys.healthandcareacademy@wales.nhs.uk