Gwaith Trawsbynciol

Mae hyn yn cynnwys gwaith sy'n torri ar draws Start Well, Live Well ac Age Well. Dyma enghreifftiau o brosiectau trawsbynciol RPB:

Gofalwyr

Mae cyllid ychwanegol ICF a ddyrannwyd i ofalwyr wedi cefnogi darparu gwybodaeth, cyngor a chymorth pellach ar gyfer gofalwyr di-dâl yn Powys. Gwnaed gwaith peilot i hybu ymwybyddiaeth gofalwyr ifanc mewn ysgolion ar gyfer disgyblion a staff, ac i arfogi ysgolion yn well i gefnogi disgyblion â cyfrifoldebau gofal. Bu prosiect ymchwil yn edrych ar gapasiti gofal sbâr yn y sector gofal di-dâl, a'r potensial i ddod â phobl i mewn i'r gweithluoedd cyflogedig a gwirfoddol yn y dyfodol. Cryfhawyd y ddarpariaeth gwasanaeth trwy gomisiynu Credu (Gwasanaeth Gofalwyr Powys) i gynnal asesiadau lefel isel yn ychwanegol at eu gwasanaethau gwybodaeth, cyngor a chymorth presennol.

Gwerth Cymdeithasol

Mae Fforwm Gwerth Cymdeithasol Powys, a hwyluswyd gan Gymdeithas Sefydliadau Gwirfoddol Powys (PAVO), yn parhau i ddatblygu ei gylch gwaith a'i ffocws. Ar wahân i gefnogi datblygiad ehangach ar draws rhaglen waith y Bwrdd (gan gynnwys ymgysylltu, datblygu'r gweithlu, datblygu cymunedol a rhannu gwybodaeth ac arfer da) mae hefyd wedi gwneud gwaith ymchwil i botensial y gweithlu heb ei gyffwrdd i ddiwallu anghenion presennol ac yn y dyfodol wrth ddarparu gofal.

Gofal wedi'i alluogi gan dechnoleg

Mae gofal wedi'i alluogi gan dechnoleg yn ymwneud â defnyddio technoleg gost-effeithiol i ddarparu gofal a chefnogaeth. Gall y dechnoleg gywir helpu i gadw pobl yn ddiogel yn eu cartrefi eu hunain am gyfnod hirach, tra hefyd yn lleihau'r galwadau ar ofalwyr. Gall y dechnoleg sbarduno galwadau awtomatig am gymorth a chaniatáu i aelodau'r teulu gadw llygad anghysbell ar anwyliaid. Mae gan dechnoleg ran allweddol i'w chwarae wrth foderneiddio iechyd a gofal cymdeithasol a gall roi llawer o sicrwydd. Hyd yn hyn, rydym wedi rhagnodi dros 1,200 o eitemau o dechnoleg i bobl ledled Powys. 

Y Cynnig Rhagweithiol

Mae angen i sefydliadau trydydd sector a ariennir gan yr awdurdod lleol neu'r bwrdd iechyd gydymffurfio â'r safonau Cymraeg a nodwyd gan eu cyllidwyr. Mae gan PAVO Swyddog Datblygu Cymraeg; Gwern ap Gwyn, a all gefnogi sefydliadau trydydd sector i gyrraedd y safonau hyn gyda chefnogaeth ac adnoddau uniongyrchol a ddatblygwyd mewn ymgynghoriad agos â'r sector i leddfu'r pwysau a all ddod gyda chydymffurfiaeth. Mae Gwern bob amser yn hapus i ateb ymholiadau, cynnig cefnogaeth mewn unrhyw ffordd ynglŷn â defnyddio Cymraeg yn eich gwasanaethau.

Dyfodol y Gweithlu

Mae ein fframwaith Strategol Dyfodol y Gweithlu yn nodi ein bwriadau ar gyfer darparu A Healthy, Caring Powys trwy ein hadnodd gweithlu. Rydym am gefnogi gweithlu wedi'i alluogi i ennill gwybodaeth, sgiliau a chymwyseddau trosglwyddadwy a gallu addasu i rolau a ffyrdd newydd o weithio, gyda mwy o integreiddio a chydweithio wrth symud ymlaen. Bydd y strategaeth hon yn cael ei lansio ar 4 Mawrth, felly gwyliwch allan amdani!